Xüsusi tunel qazdılar, sonra da narkotiki belə əkdilər | Ağlasığmaz əməlin detalları

Kürün sahilində xüsusi tunel qazaraq çətənə yetişdirən şəxs saxlanılıb.

Bu barədə Baku TV-yə Daxili İşlər Nazirliyinin Mətbuat Xidmətinin Şirvan regional qrupundan məlumat verilib.

Sabirabad Rayon Polis Şöbəsinin Qaragüney Polis Bölməsinin əməkdaşları Kür çayının Muğan Gəncəli kəndi ərazisindən keçən hissəsinin sahilində narkotik tərkibli bitkilərin kultivasiyası ilə məşğul olan əvvəllər məhkum olunmuş Fərrux İmanovu saxlayıblar.

Həmin əraziyə keçirilən baxış zamanı oradan 53 ədəd çətənə kolu və 8 kiloqramdan artıq marixuana aşkar olunaraq götürülüb.

Faktla bağlı cinayət işi başlanılıb. Saxlanılan şəxs barəsində həbs qətimkan tədbiri seçilib.

Qeyd edək ki, Fərrux İmanov həmin bitkilərə qulluq edən zaman ətraf ərazilərdən görünməməsi üçün xüsusi tunel qazaraq oradan istifadə edib.