Yırtıcılar bu kəndlərdə hamını qorxuya salıb

Lənkəran və Masallıda canavarlar kəndlərə hücum çəkir.

Bir neçə gündür ki, yırtıcılar kənd əhalisində qorxuya səbəb olub.

Canavarlar əsasən, Lənkəran rayonunun Zövlə və Masallı rayonunun Mollon, eləcə də Mahmudavar kəndlərində mal-qaraya, atlara hücum çəkib, bəzilərini parçalayıblar.

Sakinlər deyirlər ki, valideynlər artıq övladlarını məktəbə göndərməyə qorxurlar. Onlar məcbur qalıb əllərinə balta, yaba, dəryaz götürərək canavarları kəndlərdən uzaqlaşdırmağa çalışırlar.

Qeyd edək ki, canavarların heyvanlara hücum çəkib parçalaması nəticəsində vətəndaşlara küllü miqdarda ziyan dəyib. Sakinlər aidiyyəti qurumlardan canavarların kəndlərdən uzaqlaşdırılmasında onlara köməklik göstərmələrini xahiş edirlər.