Azərbaycanda külək və günəş layihələri üzrə görülən işlər nəzərdən keçirilib - Baku TV

Fevralın 27-də SOCAR-ın prezidenti Rövşən Nəcəf “Masdar” şirkətinin baş icraçı direktoru Məhəmməd Cəmil əl-Ramahi ilə görüşüb.

Görüşdə SOCAR ilə “Masdar” şirkəti arasında bərpaolunan enerji mənbələrinin inkişafı üzrə uğurlu əməkdaşlıqdan məmnunluq ifadə olunub. Bu xüsusda, şirkətlərin birgə iştirakı ilə Azərbaycanda reallaşdırılan külək və günəş elektrik stansiyaları layihələri üzrə görülən işlər nəzərdən keçirilib.

Söhbət zamanı tərəflər ədalətli enerji keçidi və dekarbonizasiya sahəsində əməkdaşlığın inkişaf perspektivlərini, eləcə də qarşılıqlı maraq doğuran digər məsələləri müzakirə edib və bu istiqamətlərdə dialoqun davam etdirilməsinin əhəmiyyətini vurğulayıblar.