"SOCAR Green" 7 irimiqyaslı layihə həyata keçirir - Baku TV

"SOCAR Green" şirkəti "SOCAR Petroleum"un yanacaqdoldurma stansiyalarında günəş enerjisi həllərini tətbiq etməyi planlaşdırır.

"Report" un məlumatına görə, bunu "SOCAR Green" şirkətinin direktoru Elmir Musayev bildirib.

Şirkətin direktoru qeyd edib ki, "SOCAR Green"in həmçinin çinli tərəfdaşlarla birlikdə işlənmə mərhələsində olan üç layihəsi var. Tərəflər hər birinin gücü 200 MVt olan iki pilot ofşor külək enerjisi layihəsi üzərində işləyir. Ofşor külək enerjisi potensialının daha ətraflı öyrənilməsindən sonra onların hər birinin gücünün 2-3 GVt-a qədər artırılması imkanı var.

Elmir Musayev qeyd edib ki, şirkət hazırda tərəfdaşlarla birlikdə bərpaolunan enerji sahəsində ümumilikdə 7 irimiqyaslı layihə həyata keçirir.