SOCAR-ın təşkilatçılığı ilə 2 günlük seminar | Təşəbbüs təcrübə mübadiləsini genişləndirir - Baku TV

Azərbaycan Dövlət Neft Şirkəti ilə "Türkiye Petrolleri Anonim Ortaklığı" (TPAO) arasında imzalanan Anlaşma Memorandumuna uyğun olaraq İnsan kapitalı sahəsində əməkdaşlığın gücləndirilməsi istiqamətində növbəti birgə təşəbbüs həyata keçirilib.

Bu çərçivədə SOCAR-da insan kapitalının idarə edilməsi və inkişafı sahəsində tətbiq edilən təcrübə və yanaşmalara dair ikigünlük seminar keçirilib.

Proqramın davamında SOCAR-ın Təlim, Tədris və Sertifikatlaşdırma İdarəsinin Dənizdə insan həyatının mühafizəsi üzrə təlim mərkəzinə və Bakı Ali Neft Məktəbinə ekskursiya təşkil edilib.

Bu təşəbbüs SOCAR və TPAO arasında strateji tərəfdaşlığın möhkəmlənməsinə, insan kapitalı sahəsində qarşılıqlı bilik və təcrübə mübadiləsinin genişlənməsinə xidmət edir.