Bakıda 300-dən çox biznes lideri bir araya gəldi - Baku TV

“Facemark” və “FutureBright Group” şirkətlərinin birgə təşkilatçılığı ilə iyunun 23-də Bakıda keçirilən Biznes Liderləri Zirvəsi biznes dünyasının aparıcı nümayəndələrini, sahibkarları, rəhbərləri və müxtəlif sahələr üzrə peşəkarları bir araya gətirib.

Zirvədə Türkiyədən olan peşəkarlar öz təcrübələrini paylaşıblar. 300-dən çox iştirakçının qatıldığı Zirvə biznes, liderlik, innovasiya, süni intellektdən istifadə və gələcəyin idarəetmə yanaşmaları ətrafında fikir mübadiləsi, yeni əməkdaşlıqlar və inkişaf imkanları üçün önəmli platforma olaraq qiymətləndirilir.

Tədbirin konsept mesajı olaraq müəyyən edilən “Qarada Qırmızı” biznes dünyasında ilk baxışda görünməyən riskləri, gizli imkanları və dəyişən reallıqları ifadə edir. Müasir dövrdə biznes yalnız rəqəmlər, hesabatlar və görünən nəticələrlə ölçülmür. Əsl liderlik görünməyəni görmək, riskləri vaxtında müəyyən etmək və dəyişiklikləri əvvəlcədən hiss edə bilməkdir. Bu konseptlə biznes dünyasında strateji düşüncənin, uzaqgörənliyin və dəyişkənliklərə adaptasiyanın vacibliyi ön plana çıxır.