Aİ Şurasının Prezidenti ilk dəfə Bakıda | Mühüm görüşlər keçiriləcək - Baku TV

Avropa İttifaqı Şurasının Prezidenti Antonio Koşta Azərbaycana səfərə gəlib.

Səfər çərçivəsində Avropa İttifaqı Şurasının Prezidentinin Azərbaycan Prezidenti İlham Əliyevlə və yüksəkvəzifəli şəxslərlə görüşü nəzərdə tutulub.

Həmçinin Prezident İlham Əliyev və Avropa İttifaqı Şurasının Prezidenti Antonio Koşta mətbuata birgə bəyanatla çıxış edəcəklər.

Antonio Koşta Azərbaycana səfər etməzdən əvvəl bəyanatla çıxış edib və bildirib ki, Azərbaycan Avropa İttifaqının əsas tərəfdaşlarından biridir.

O vurğulayıb k, bu münasibətlər əsasən enerji sahəsində qurulub və inkişaf edir. Enerji, enerji daşıyıcılarının şaxələndirilməsi və enerji təhlükəsizliyi bu münasibətlərin əsasını təşkil edir.