İlham Əliyevdən Sidneydəki terror aktı ilə bağlı başsağlığı - Baku TV

Prezident İlham Əliyev Avstraliya İttifaqının Baş naziri Entoni Albanizə başsağlığı məktubu göndərib.

"Hörmətli cənab Baş nazir, Sidneydə Hanuka bayramı ilə əlaqədar keçirilən mərasim zamanı törədilmiş terror aktı nəticəsində çox sayda insanın həlak olması və yaralanması barədə xəbər bizi olduqca sarsıtdı. Biz dinc insanlara qarşı yönəlmiş bu dəhşətli terror əməlindən hədsiz dərəcədə hiddətlənir, terrorizmin bütün təzahürlərini qətiyyətlə pisləyirik.

Baş verən bu faciə ilə əlaqədar sizə, həlak olanların ailələrinə və yaxınlarına, bütün Avstraliya xalqına şəxsən öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm", – deyə paylaşımda qeyd olunur.

Qeyd edək ki, terror aktı zamanı 15 nəfər ölüb, 40-a yaxın şəxs xəsarət alıb.