Millət vəkili beynəlxalq təşkilatların yaratdığı maneələrdən danışdı

“Sülhə gedən yolda çox böyük minalarla üzləşdik”.

Bu sözləri parlamentin bu gün keçirilən plenar iclasında Milli Məclisin deputatı Hikmət Babaoğlu deyib.

Milət vəkilinin sözlərinə görə, bu minaların bir qismi beynəlxalq təşkilatların, xüsusilə ATƏT-in Minsk qrupunun yaratdığı minalar idi:

“Digər hissəsi isə fiziki minalar və siyasi baryerlər idi. Nəhayət, bizim qarşımıza Zəngəzur dəhlizi ilə bağlı “böyük mina” qoyulmuşdu, lakin bu məsələ də Birləşmiş Ştatlarda həll olundu və biz real sülh perspektivinə qədəm qoyduq”.

Deputat bildirir ki, bu nəticələr Prezident İlham Əliyevin uzaqgörən siyasətinin, qətiyyətinin və siyasi cəsarətinin nəticəsidir:

“Bütün bu prosesin arxasında dərin bir zəka, üstün bir ağıl və qətiyyət var. Bu, Azərbaycan Prezidentinin fəaliyyətidir”.