Rusiyada miqrantlarla bağlı vacib qaydalar qəbul edildi

Rusiyada miqrasiya sahəsində yeni qaydalar qüvvəyə minib.

Belə ki, 2025-ci ildən etibarən Azərbaycan vətəndaşlarının Rusiyada müvəqqəti qalma müddəti bir ildə 90 gün olacaq. Bu müddətin əmək fəaliyyəti üçün patent alındıqda, müvəqqəti yaşamaq üçün müraciət qəbul olunduqda və digər hallarda uzadılması mümkündür.

Eyni zamanda Azərbaycan vətəndaşı Rusiya dövlət sərhədini keçdiyi tarixdən yeddi iş günü ərzində olduğu yer üzrə qeydiyyata alınmalıdır.

Bundan başqa, Rusiyaya daxil olan əcnəbilərdən, o cümlədən Azərbaycan vətəndaşlarından miqrasiya kartının doldurulması tələb edilir. Miqrasiya kartını dövlət sərhədinin buraxılış məntəqələrində, beynəlxalq hava limanlarında, həmçinin Rusiyaya uçan təyyarələrin göyərtəsində pulsuz əldə etmək mümkündür.