Ukrayna səfiri Azərbaycana təşəkkür etdi

Azərbaycandan Ukraynaya növbəti humanitar yardım göndərilib. Yardıma su boruları, su çəkən texnikalar, xilasedici gödəkçələr daxildir.

Ukraynanın ölkəmizdəki səfiri Vladislav Kanevski göstərilən dəstəyə görə Azərbaycan xalqına öz təşəkkürünü bildirib.

Diplomat qeyd edib ki, Azərbaycan hazırkı yardımla yanaşı, həmçinin 20 ton yanacaq göndərib. Bu yanacaq xilasetmə əməliyyatlarında istifadə olunan texnika üçün nəzərdə tutulub.

“Bu onu göstərir ki, bizim münasibətlərimiz strateji tərəfdaşlıq səviyyəsindən çox – Ukrayna və Azərbaycan xalqlarının səmimi dostluq səviyyəsinə yüksəlib”, – deyə o əlavə edib.