Pleyeri seçin:
ABŞ-dən İlham Əliyev və Nikol Paşinyanın Əbu-Dabidəki görüşünə reaksiya
“ABŞ Azərbaycan və Ermənistanın sülh istəklərini dəstəkləyir”.
Bunu ABŞ Dövlət Departamentinin mətbuat katibi Temmi Bryus keçirdiyi mətbuat konfransında Azərbaycan Prezidenti İlham Əliyevlə Ermənistanın Baş naziri Nikol Paşinyan arasında Əbu-Dabidə keçirilən görüşlə bağlı sualı cavablandırarkən deyib.
“Biz Cənubi Qafqazda sülhün və sabitliyin təşviqi üzrə səyləri dəstəkləyirik. Vaşinqton müvafiq KİV-lərin məlumatlarını izləyir. Hazırda xəbər verəcək əlavə məlumatımız yoxdur”, ‒ deyə o qeyd edib.
T.Bryus ABŞ-nin hazırkı administrasiyasının mövqeyini də bəyan edib.
“Bildiyiniz kimi, Prezident Tramp və dövlət katibi Marko Rubionun yanaşması öz sözünü deyir. Amerika liderinin Nazirlər Kabinetinin son iclasındakı bəyanatları bu administrasiyanın sülhə sadiq olduğunu açıq şəkildə göstərdi", ‒ deyə o, fikirlərini yekunlaşdırıb.
Kopyalandı
#ABŞ teqi istifadə olunub
Seçilmişlər
