ABŞ-nin ikili siyasəti: Tural Gəncəliyevdən sərt çıxış

“ABŞ Senatı, o cümlədən ABŞ dövlət katibinin köməkçisi Azərbaycana qarşı absurd fikirlər səsləndirirlər. Bütün bunlar ABŞ-nin ölkəmizlə bağlı iç üzünü göstərir”.

Bunu Milli Məclisin deputatı Tural Gəncəliyev parlamentin noyabrın 21-də keçirilən plenar iclasında deyib.

“Biz indi başa düşürük ki, 30 il ərzində ATƏT həmsədri olan ABŞ bizim torpaqlarımızın işğal altında qalmasında maraqlı olub. Dünyada ən böyük hərbi büdcəyə malik olan ölkə ABŞ-dir. O, bir çox ölkələrə hərbi təcavüzünü davam etdirir. Əminəm ki, ABŞ-nin bu hərəkətləri cavabsız qalmayacaq. Biz region ölkələri olaraq onun bu siyasətinə qarşı duracağıq”, – deputat vurğulayıb.