ABŞ rəsmisi Qarabağdakı gərginlikdən danışdı

“ABŞ həm ikitərəfli, həm də Ermənistan və Azərbaycanın iştirakı ilə üçtərəfli formatda görüşlərin təşkili ilə iki ölkə arasındakı problemin həllinə dəstək göstərməyə hazırdır”.

Bunu ABŞ Dövlət Departamentinin sözçüsü Ned Prays deyib.

O bildirib ki, son günlərdə Qarabağda durum gərginləşib və ABŞ problemin həlli üçün əlindən gələni edir: “Bu, incə bir məqamdır. Gördüyümüz kimi, son günlər Qarabağ bölgəsində vəziyyət gərginləşib. Əlbəttə ki, Birləşmiş Ştatlar uzun müddətdir davam edən bu münaqişənin həllinə dəstək vermək üçün əlindən gələni edir. Biz bunun üçün bütün müvafiq mexanizmlərdən istifadə edirik. Bundan başqa, Ermənistan və Azərbaycanın dialoq və diplomatiya sahəsində öz səylərini göstərdiklərini görürük”.