Siyasət
Pleyeri seçin:
Ağdam-Xankəndi və Laçın-Xankəndi yolları eyni anda açılır
Ağdam-Xankəndi və Laçın-Xankəndi yollarının eyni anda açılması sentyabrın 18-də baş verəcək. Baxmayaraq ki, bunun reallaşdırılıması hələ 2023-cü il sentyabrın 1-də razılaşdırılmışdı.
Bu barədə Azərbaycan Qızıl Aypara Cəmiyyətinin yaydığı açıqlamada bildirilir.
Qeyd edilir ki, cəmiyyət Beynəlxalq Qızıl Xaç Komitəsinin maşınları ilə Rusiya sülhməramlı kontingentinin müvəqqəti yerləşdiyi ərazilərimizə yüklərin hər iki yol vasitəsilə çatdırılması barədə razılığın əldə edilməsini alqışlayır.
“Azərbaycan Qızıl Aypara Cəmiyyəti hesab edir ki, yüklərin aparılmasının siyasiləşdirilməsi, onun qarşısının alınması yolverilməzdir. Zərurət olduğu təqdirdə, müstəqil, bitərəf təşkilat olan Azərbaycan Qızıl Aypara Cəmiyyəti bu prosesə istənilən dəstəyi verməyə hazırdır”, – deyə cəmiyyətdən qeyd edilib.
Kopyalandı
Seçilmişlər
