Araik-Vardanyan cütlüyü təxribata hazırlaşır?

Qarabağdakı separatçı rejimin eks-qondarma dövlət naziri Ruben Vardanyan yenidən Xankəndidə peyda olub.

Qarabağdakı mədənlərimizin talan edilməsində pay sahibi olan milyoner öz çirkli biznesini böyütmək üçün yenidən oradakı ermənilərin beynini yumağa başlayıb. Azərbaycan vətəndaşlığını qəbul edərək sülh şəraitində yaşamaq istəyənlərə yalan vədlər verərək meydanlara toplamağa çalışır.

Yalançının şahidi yanında olar deyirlər. Xankəndi ermənilərinin yaşayışının yaxşılaşdırılması üçün ayrılmış pulları mənimsəyərək özünə yaxşı güzəran quran Araik Arutyunyan da Vardanyanın yanında, aksiyada öndə gedənlərdən olub. Əl-ələ verərək Azərbaycanla-Ermənistan arasında sülh müqaviləsinin imzalanmasına razı olmadıqlarını bildiriblər. “Əsl hərbi vəziyyət elan olunmalıdır, başqa çıxış yolu yoxdur”, – deyərək insanlar arasında çaxnaşma yaratmağa çalışıblar.

Bəs görəsən, baş verənlər Ermənistan üçün nə ilə yekunlaşa bilər?