Azərbaycan Ermənistanın hansı şərtləri ilə razılaşmadı? | Paşinyandan mühüm açıqlama

“2022-ci ildə sərhəddə gömrük nəzarətindən bəhs edəndə belə təəssürat yarandı ki, Azərbaycan vətəndaşları problem yaşamamaq üçün bu yollardan istifadə etməyəcək. Hələ o vaxt yolların nəzarətinin başqa təşkilata verilməsini təklif etdik, amma Bakı razılaşmadı”.

Bu sözləri Ermənistanın Baş naziri Nikol Paşinyan mətbuat konfransında səsləndirib.

O qeyd edib ki, İrəvan bu təklifin təkrar müzakirəsinə hazırdır.

Bundan başqa, Baş nazir bildirib ki, Ermənistanla Azərbaycan arasında sülh sazişi layihəsinin mətni razılaşdırılıb.

“İlkin imzalanma da gündəliyə salınıb. Biz sülh sazişi ilə bağlı heç bir fürsəti əldən verməyəcəyik”, ‒ deyə o vurğulayıb.

N.Paşinyan Ermənistan, Rusiya və Azərbaycan baş nazirlərinin müavinləri formatında işçi qrupundan da danışıb.

Onun sözlərinə görə, işçi qrupu bir müddətdir ki, fəaliyyətsizdir. Səbəb isə etimadsızlığın artmasıdır.