Siyasət
Pleyeri seçin:

Azərbaycan XİN-dən Paşinyana sərt reaksiya

23 fevral 2024

“Ermənistanın Baş naziri Nikol Paşinyanın Fransanın “France 24” telekanalına verdiyi müsahibədə yenidən ölkəmizə qarşı səsləndirdiyi əsassız iddialar bölgədə qəsdən gərginlik yaradaraq sülh prosesinə növbəti zərbə vurmaq məqsədi daşıyır”.

Bu barədə Azərbaycan Xarici İşlər Nazirliyinin yaydığı bəyanatda bildirilib.

Qeyd olunub ki, Almaniya Kanslerinin təşəbbüsü ilə liderlər arasında keçirilən sonuncu görüşdən sonra Ermənistan tərəfindən bu kimi açıqlamalar verilməsi və bunun üçün məkanın məhz Fransa olaraq seçilməsi Almaniyanın səylərinə rəsmi İrəvan tərəfindən hörmətsizlik olmaqla, Paris tərəfindən sülh prosesinə davam edən mənfi təsirlərin göstəricisi kimi qiymətləndirilir.

Bəyanatda vurğulanıb ki, Azərbaycanın Ermənistana qarşı guya hücuma hazırlaşması, rəsmi Bakının beynəlxalq hüququn prinsiplərinə əməl etmədiyi kimi iddialar mövcud faktların açıq-aşkar təhrif olunması və beynəlxalq ictimaiyyəti çaşdırmaq məqsədi daşıyır:

“Son zamanlar kütləvi hərbiləşmə siyasəti aparan, bölgədə 5 aya yaxın davam edən sabitliyi pozan Ermənistan tərəfinin bu addımları ört-basdır etmək məqsədilə, “Qərbi Azərbaycan İcması” üzrə çağırışları, eləcə də məhz Ermənistanın əsassız bəyanatlarına verdiyi cavabları bəhanə kimi gətirərək ölkəmizin müharibəyə hazırlaşdığını iddia etməsi tamamilə əsassızdır”.

Nazirliyin məlumatına görə, suverenlik və ərazi bütövlüyünün tanınmasına, iki ölkə arasında sərhədlərin delimitasiyası məsələsində 1991-ci il Alma-Ata Bəyannaməsinə hörmətlə yanaşılmasının əhəmiyyətinə vurğu edən Baş nazir Ermənistanın bu prinsipləri 30 ildən artıq müddətdə pozmasını unudub.

Qeyd olunub ki, Ermənistandan fərqli olaraq 44 günlük müharibədən dərhal sonra məhz Azərbaycan qarşı tərəfə 5 baza prinsipi əsasında sülh təklif edib:

“Rəsmi İrəvan isə bu prinsipləri pozmaqda davam edir. Nazirliyin bəyanatında o da vurğulanıb ki, Ermənistanın Konstitusiyasında, qüvvədə olan qanunvericilik aktlarında, rəsmi məktublarında və bəyanatlarında, beynəlxalq təşkilatlar və məhkəmələrdə yaydığı sənədlərdə Azərbaycanın ərazi bütövlüyünə qarşı iddiaların davam etməsi Nikol Paşinyan hökumətinin iki ölkənin sülh gündəliyinin irəli aparılmasında maraqlı olmadığını təsdiq edir”.

Qeyd edək ki, N.Paşinyan fevralın 22-də “France 24”ə müsahibəsində Azərbaycana qarşı iddialarla çıxış edib və sülhün təmin olunmamasına görə rəsmi Bakını ittiham edib.

Hikmət Hacıyev sülhməramlılarla bağlı xəbərə aydınlıq gətirdi

Hikmət Hacıyev sülhməramlılarla bağlı xəbərə aydınlıq gətirdi

Siyasət
17 aprel 2024
Rusiya sülhməramlı kontingentinin Qarabağdan çıxma prosesi başladı

Rusiya sülhməramlı kontingentinin Qarabağdan çıxma prosesi başladı

Siyasət
17 aprel 2024
Hikmət Hacıyev sülhməramlıların Qarabağdan çıxarılmasından danışdı

Hikmət Hacıyev sülhməramlıların Qarabağdan çıxarılmasından danışdı

Siyasət
17 aprel 2024
Paşinyan yenə Tavuşa getdi | Erməni mediasından məlumat

Paşinyan yenə Tavuşa getdi | Erməni mediasından məlumat

Siyasət
17 aprel 2024
Ayxan Hacızadə Fransanın təzyiqlərinə tədbir görüləcəyini açıqladı

Ayxan Hacızadə Fransanın təzyiqlərinə tədbir görüləcəyini açıqladı

Siyasət
17 aprel 2024
İlham Əliyev AQEM-in Baş katibi Kayrat Sarıbayı qəbul etdi

İlham Əliyev AQEM-in Baş katibi Kayrat Sarıbayı qəbul etdi

Siyasət
17 aprel 2024
Fransa səfirini geri çağırdı | İran və İsrail sülh bağlayır? | Serbiyanın Azərbaycandan istəyi

Fransa səfirini geri çağırdı | İran və İsrail sülh bağlayır? | Serbiyanın Azərbaycandan istəyi

Siyasət
17 aprel 2024
Bakı-İrəvan görüşlərində intensivliyin azalmasına səbəb nədir?

Bakı-İrəvan görüşlərində intensivliyin azalmasına səbəb nədir?

Siyasət
17 aprel 2024
Görüşdə ikitərəfli və regional məsələlər ətrafında fikir mübadiləsi aparılıb

Görüşdə ikitərəfli və regional məsələlər ətrafında fikir mübadiləsi aparılıb

Siyasət
17 aprel 2024
Rəsmi Parisin narahatlığı nədən doğur?

Rəsmi Parisin narahatlığı nədən doğur?

Siyasət
17 aprel 2024
Seçilmişlər
icon