Azərbaycandan ABŞ-nin Laçın yolu açıqlamasına cavab

Azərbaycanın Qarabağ bölgəsinə təchizat gətirən 1000-dən çox avtomobilin Laçın yolundan keçməsi ABŞ Dövlət Departamenti sözçüsünün yanvarın 24-də dediklərinin əksini sübut edir.

Bunu Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə tviterdə yazıb. “Ermənistan tərəfini öhdəliklərini yerinə yetirməyə, qanunsuz fəaliyyətə son qoymağa çağırmaq yerinə düşərdi!”, - deyə açıqlamada qeyd edilib.

Xatırladaq ki, ABŞ Dövlət Departamentinin sözçüsü Ned Prays keçirdiyi brifinqdə kommersiya və şəxsi səyahətlər də daxil olmaqla Laçın dəhlizində sərbəst hərəkətin tam bərpasına çağırış etmişdi. N.Prays qeyd edib ki, ABŞ davamlı sülh üçün dəstəyinə sadiqdir.