Azərbaycanla bu sahələrdə əlaqələri fəallaşdırmalıyıq | To Lam
Vyetnamın Kommunist Partiyasının Mərkəzi Komitəsinin Baş katibi To Lam Azərbaycan Prezidenti İlham Əliyevlə mətbuata bəyanatında mayın 7-si imzalanan Birgə Bəyanatda əks olunan müddəaların icrası üçün beş məsələ təklif edib.
Baş katib birinci məsələnin partiya, dövlət, parlament və rayonlar kimi bütün səviyyələrdə əlaqələri və təmasları fəallaşdırmaq olduğunu deyib.
O diqqətə çatdırıb ki, ikincisi, hökumətlərarası komissiya vasitəsilə ticari-iqtisadi əməkdaşlığı fəallaşdırmaqdır.
To Lam üçüncüsü məsələ ilə bağlı qeyd edib:
"Biz müdafiə və təhlükəsizlik sahələrində əlaqələri fəallaşdırmalıyıq, informasiya təhlükəsizliyi, transmilli cinayətkarlıq və kibercinayətkarlıqla mübarizə sahələrində münasibətlərimizi inkişaf etdirməliyik".
Dördüncü məsələnin mədəniyyət, idman və turizm, təhsil, xalqlararası təmaslar və regionlar sahələrində əməkdaşlığı genişləndirmək olduğunu vurğulayan To Lam həmçinin bildirib:
"Beşincisi, qarşılıqlı maraq doğuran məsələlər barədə fikir mübadiləsi aparmalıyıq və BMT, Qoşulmama Hərəkatı, Asiyada Qarşılıqlı Fəaliyyət və Etimad Tədbirləri Toplantısı kimi təşkilatlarda bir-birimizi dəstəkləməliyik".
#To Lam teqi istifadə olunub
- Azərbaycan və Vyetnam arasında imzalanan sənədlərin perspektivləri | “Bu, çox ciddi sənəddir”
- Vyetnam liderinin Azərbaycana səfəri başa çatdı
- Vyetnam Kommunist Partiyasının Mərkəzi Komitəsinin Baş katibinin şərəfinə dövlət ziyafəti verildi
- “Gülüstan” sarayında Vyetnam rəsm əsərlərindən ibarət sərgi ilə tanışlıq
- Prezident Vyetnamla əməkdaşlığın genişləndirilməsi imkanlarından danışdı
