Bəzi ermənilər deyir ki... | Hikmət Hacıyev Azərbaycanın xarici siyasətindən danışdı

“Ermənistan-Azərbaycan münaqişəsinin həlli konfliktlərin həlli üçün nümunədir”.

Bunu XII Qlobal Bakı Forumu çərçivəsində keçirilən “Geosiyasi Dəyişmələr: Məsuliyyətli Tərəfdaşlıq Rəqabətə qarşı” mövzusunda paneldə Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

“Bəzən erməni həmkarlar deyirlər ki, Azərbaycan Ermənistanın müstəqilliyini təmin edib, çünki işğal siyasəti onların müstəqilliyi üçün təhdid idi. Bəzi hadisələr indi Yaxın Şərqdə baş verir. Azərbaycan coğrafi baxımdan Yaxın Şərqə yaxın ölkədir.

Bu reallıqları nəzərə alaraq xaric siyasətimizin prioritetində Mərkəzi Asiya ilə əlaqələrin gücləndirilməsinə çalışırıq. Həmçinin Gürcüstan-Azərbaycan münasibətləri qonşuluq münasibətlərinin nümunəsidir. Bu, Ermənistan üçün də nümunə ola bilər”, – deyə o qeyd edib.