Bu, Bakının qələbəsi oldu | Rusiyalı politoloq COP29-da olanları şərh etdi

“Azərbaycanı bu gün obyektiv olaraq dünyada ədalət hərəkatının, qlobal Cənub ölkələrinin liderlərindən biri və dünyada müsbət dəyişikliklər uğrunda mübarizə aparan ölkə adlandırmaq olar”.

Bunu rusiyalı politoloq Dmitri Solonnikov “Moskva-Bakı”ya müsahibəsində Bakıda keçirilən COP29 konfransının yekunlarını şərh edərkən deyib.

“Azərbaycan qlobal Cənub və qlobal Şimal arasında körpülər qurmaq istəyi ilə bağlı mövqeyini açıqlayıb. Son illərdə Qərbdə ekologiya ilə bağlı söhbətlər müsbət məna kəsb edirdi, davamlı inkişafdan danışırdılar, çoxlu pul var idi, varlılar kasıblara kömək edirdi. Amma indi bu, belə deyil. İnkişaf etmiş və inkişaf etməkdə olan ölkələr arasında müqavilələr mürəkkəb görünür. Yaxşı ki, onlar Bakıda iqlim konfransında razılığa gələ bildi. Bu, şübhəsiz ki, Azərbaycanın qələbəsidir. Azərbaycanın sədrliyi dövründə iqlimlə bağlı illik maliyyənin məbləği ildə 100 milyard dollardan 300 dollara qədər artırılıb”, – o bildirib.

Solonnikovun fikrincə, Azərbaycan əslində inkişaf etməkdə olan ölkələrin mövqeyi uğrunda mübarizə aparırdı və edilənlər onun xidmətidir:

“Konfransda inkişaf etmiş Qərb ölkələrinin nümayəndələri açıq-aydın dişlərini qıcayırdı, yumruqlarını ciblərində sıxırdı və sonda vəziyyətdən son dərəcə narazı idilər. Gördük ki, iqlim konfransı Əliyevin Qərbə qarşı çox sərt bəyanatları ilə yadda qalıb və bu qiymətləndirmələr tamamilə obyektiv idi. Azərbaycan çox şeyə nail olub, əladır və bu, doğrudur. Azərbaycan xanım Berboka fikir verməməlidir. Bu, indiki Almaniya siyasətinin “gedən siması”dır. Azərbaycan COP29-da diplomatiya sahəsində ustalığını nümayiş etdirdi və qlobal Cənub üçün müdafiədə liderlik! Bu baxımdan Azərbaycanın beynəlxalq mövqeyi daha da möhkəmlənib. Rusiya isə bu istəklərdə Azərbaycanı dəstəklədi”.