Ceyhun Bayramov Antonio Quterreş ilə görüşdü

Xarici işlər naziri Ceyhun Bayramov Nyu-Yorkda BMT Baş Assambleyasının 79-cu sessiyası çərçivəsində BMT-nin Baş katibi Antonio Quterreşlə görüşüb.

Ceyhun Bayramov BMT Baş katibi ilə İrəvanla Bakı arasındakı sülh sazişi üzrə danışıqları müzakirə ediblər.

Bu barədə təşkilatın sözçüsü Stefan Dujarrik məlumat verib.

Onun sözlərinə görə, tərəflər Azərbaycanın COP29-a sədrliyi kontekstində dünya təşkilatı ilə Azərbaycan arasında əməkdaşlığı, o cümlədən iqlimin maliyyələşdirilməsi üzrə yeni hədəfin yekunlaşdırılmasını müzakirə ediblər.

Mətbuat katibi əlavə edib ki, söhbət əsnasında Bakı və İrəvan arasında sülh sazişi üzrə danışıqların gedişi barədə də fikir mübadiləsi aparılıb.