Ceyhun Bayramovdan mühüm çıxış | Nazirin Brüssel səfərindən paylaşım

Xarici işlər naziri Ceyhun Bayramov Belçikanın Brüssel şəhərində Nüvə Enerjisi Sammitində çıxış edib.

Bu barədə Xarici İşlər Nazirliyinin "X" sosial şəbəkə hesabında paylaşım edilib.

Bildirilib ki, nazir Azərbaycanın nüvə texnologiyalarının tətbiqi, Beynəlxalq Atom Enerjisi Agentliyi ilə əməkdaşlıq perspektivləri, mina təhlükəsinin aradan qaldırılması, eləcə də BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına ev sahibliyinin prioritetləri barədə danışıb.