David Vanabo: Fransaya görə əhali ölkəni tərk edir

“Fransa ölkəmizdəki insanları məcburi köçkün vəziyyətinə salıb. Biz öz torpaqlarımızdan planlı şəkildə qovuluruq. Fransaya görə yerli əhali ölkəni tərk edir”.

Bunu Kaledoniya Birliyi Partiyasının baş katibinin müavini David Vanabo deyib.

O bildirib ki, Fransa Kaledoniyanın təbii resurslarını mənimsəyir və yerli əhali bu sərvətlərdən heç bir fayda görmür:

“Fransa özünü insan haqlarını qoruyan ölkə kimi göstərsə də, bu, belə deyil. Bu ölkə insan haqlarını qorumaq üçün heç bir iş görmür. Sadəcə müstəmləkəçilik siyasətini davam etdirir.

Biz Azərbaycanda hər yerdə dövlət bayraqlarının asıldığını gördük. Bu, böyük xoşbəxtlikdir. Bayraq insanın mədəniyyətidir, hər şeyidir. Biz də öz ölkəmizdə belə etmək istəyərdik. Müstəqil dövlət qurmağı arzulayırıq. Bizi dəstəklədiyi üçün Azərbaycana təşəkkürümüzü bildiririk”.