Ərdoğanla Paşinyan arasındakı görüşdə hansı məsələlər müzakirə edildi?

Türkiyə Prezidenti Rəcəb Tayyib Ərdoğan Nyu-Yorkdakı “Türk Evi”ndə Ermənistanın Baş naziri Nikol Paşinyanla görüşüb.

Görüşdə iki ölkənin münasibətlərində normallaşma, Ermənistanla Azərbaycan arasında sülh prosesi müzakirə edilib.

R.T.Ərdoğan Türkiyənin yeni dövrdə Azərbaycan və Ermənistan arasında daimi sülhün bərqərar olmasına tərəfdar olduğunu və bunun üçün səylərin davam etdiyini bildirib.

Türkiyə lideri Ankara ilə İrəvanın ilkin şərt qoyulmadan normallaşma istiqamətində əhəmiyyətli irəliləyişlər əldə etdiyini deyərək, dialoq prosesinin davam etdirilməsinə səmimi dəstəyini vurğulayıb.