Erməni bloger: Araik insanların mal-qarasını öz fermasında saxlayır

“Aclıq sözünü dilinizə gətirməyin, Xankəndidə heç bir aclıq yoxdur". Bu sözləri erməni fəal Roman Baqdasaryan deyib.

Onun sözlərinə görə, Qarabağ erməniləri arasında Araik Arutyunyan tərəfindən süni şəkildə yaradılmış vəziyyət hökm sürür.

“Araik insanların mal-qarasını əllərindən alıb öz fermasında saxlayır, biznesini genişləndirir. Araik, niyə yalan danışırsan axı? Sənin ferman tonlarla süd istehsal edir? Bütün Xankəndiyə kəsmik, pendir ödənişlə çatdırılır. Törətdiyin bütün cinayətlərə görə cavab verməli olacaqsan. Diz üstə dayanıb lazımi şəxslə vaxtı gələndə danışacaqsan.

Araik niyə və nədən qorxur? O başa düşür ki, Bakıda, İrəvanda həbs edilə, və ya Moskvada güllələnə bilər. Araik Qarabağda yaşayan insanlara görə narahat olmur. Onları düşünsəydi, yaxşı yaşamaları üçün iş görərdi. Araik şəxsi biznesini düşünür”, – deyə erməni fəal əlavə edib.