Erməni fəal Azərbaycanın addımını dəstəklədi

“Təəssüf ki, ermənilərin anlayışında belə bir stereotip var ki, istənilən azərbaycanlı onlar üçün təhlükədir. İllərlə bu qorxu və düşüncə ilə yaşayıblar. Buna görə də təsəvvür edə bilmirlər ki, bu, həqiqəti əks etdirməyən fikirdir”.

Bu sözləri erməni fəal İşxan Verdyan Laçın yolundakı sərhəd-buraxılış məntəqəsinin fəaliyyətini Baku TV-yə şərh edərkən bildirib.

“Əslində, Laçın-Xankəndi yolundakı məntəqənin mövcudluğu münasibətlərin normallaşması üçün çox vacid faktordur. Çünki bu, kimin ərazisinin haradan başladığını, kimin harada dayanmalı olduğunu müyyən edir və bununla da sərhəd qoyulur. Bu isə Azərbaycanla Ermənistan arasında daha əvvəl mövcud olmayıb. Bu siyasi addım yaxın gələcəkdə öz töhfəsini verəcək. Məntəqə ermənilər üçün heç bir təhlükə daşımır. Biz görürük ki, necə sivil və düzgün qaydada fəaliyyət göstərir. Ermənistanın buna etirazını anlamıram. Çünki Qarabağa heç bir aidiyyəti yoxdur və təhlükəli hər hansı bir şey gözləmək yanlışdır”, – deyə o bildirib.

İ.Verdyan həmçinin qeyd edib ki, Qarabağın erməni əhalisi azərbaycanlı hərbçilərin fəaliyyətini qəbul etdikdən sonra Azərbaycanın Qarabağ bölgəsində müvəqqəti yerləşdirilən Rusiya sülhməramlı kontingentinə ehtiyac qalmayacaq.