Erməni fəal separatçıların planlarını açıqlayıb

“Qarabağdakı separatçılar oradakı erməniləri lazımsız əşya kimi öz siyasi maraqları üçün istifadə edir”.

Bu sözləri Baku TV-yə müsahibəsində erməni fəal İşxan Verdyan deyib.

Onun fikrincə, Azərbaycanın humanitar addımlarını qəbul etmək istəyən ermənilər separatçılar tərəfindən hətta öldürülə bilər.

“Separatçılar Azərbaycanın Bərdə-Ağdam yolundan humanitar yardım üçün istifadə etmə təklifini də rədd etdilər. Onlara yardım lazım deyil. Bir fakt aydındır ki, onlar həqiqi humanitar böhram törətməyə çalışırlar. Əgər oradakı ermənilər bununla barışmasa və Azərbaycandan yardım almağa cəhd etsələr, terrorçular qərbdəki lobbinin maraqlaqlarını təmin etmək üçün daha sərt tədbirlər görəcəklər, hətta yardım qəbul edən sadə erməniləri öldürəcəklər. Ona görə oradakı silahlı erməni parazitlər ərazidən təmizlənməlidir”, – deyə erməni fəal əlavə edib.

Qeyd edək ki, Qarabağdakı separatçı rejim Azərbaycanın atdığı humanitar addımlara baxmayaraq, dünya ictimaiyyəti arasında özünü aciz və köməksiz göstərməyə çalışır.