Erməni jurnalist Ermənistan prezidentinə od püskürdü

Ermənistan hakimiyyətinin yürütdüyü yanlış siyasət bu ölkənin hər keçən gün daha da geriləməsinə səbəb olub.

Vəziyyət o həddə çatıb ki, sosial medianın erməni seqmenti, həmçinin ölkədəki jurnalistlər prezident və baş naziri açıq şəkildə tənqid, hətta təhqir edirlər.

Erməni jurnalist Natali Aleksanyan yerli mediaya müsahibəsində ölkə rəhbərliyinə qarşı od püskürüb:

“Yenə Qarabağ klanı mövzusuna toxunmaq istəyirəm. Heç hörmət etmədiyim cənab prezident. Dilim gəlmir sizə çox hörmətli deyə müraciət etməyə. Çox hörmətli əclaflar. Nəzərinizə çatdırmaq istəyirəm ki, təzyiqləriniz məni qorxutmur.

Bu təzyiqlərin artması fonunda mənimlə həmfikir olan, məni dəstəkləyən insanların sayı artır. Məni mənəvi məhv etməyə çalışanların sayı isə getdikcə azalır. Bildirmək istəyirəm ki, çirkli əlləriniz onlara çatmasın deyə öz tərəfdarlarımı bağlı qruplarda saxlayacağam. Siz isə Bakı təcridxanalarında çürüyəcəksiniz. İnşallah”.

Xatırladaq ki, Natali Aleksanyan bundan öncə də hakimiyyəti tənqid edərək Qarabağdakı separatçıların geri çəkilməli olduqlarını bildirmişdi. Azərbaycan vətəndaşlığı almaq istəyən erməniləri isə ürəkli olmağa səsləmişdi.