Erməni politoloqdan proqnoz: Ermənistan ağır səhvlərə yol verib

"Qarabağda baş verən proseslər Ermənistan-Rusiya münasibətlərinə ağır zərbə vurdu, hətta ortamüddətli perspektivdə bunu düzəltmək çox çətin olacaq".

Erməni mediası xəbər verir ki, bunu yerli politoloq Artur Xaçikyan deyib.

"Erməni tərəfi bir sıra səhvlərə və qəbuledilməz addımlara yol verib, lakin Qarabağda sülhməramlıların gözü qarşısında baş verənlər Rusiya ilə münasibətlərimizə çox güclü zərbədir", – erməni siyasi ekspert deyib.

A.Xaçikyan vurğulayıb ki, bu vəziyyət hələ uzun onilliklər ərzində Ermənistan-Rusiya münasibətlərinə təsir edəcək.

O bildirib ki, bütün bu hadisələrdən sonra Azərbaycan və Türkiyə inteqrasiyasını davam etdirəcək, Azərbaycanda NATO ordusu olacaq.

"Bilmirəm, bizim rusiyalı tərəfdaşlarımız nə düşünür, amma orada NATO ordusu və hərbi bazaları olacaq. Onlar rusları həmişəlik və ya ən azı onilliklər ərzində regiondan tamamilə sıxışdıracaqlar. Ən azı onilliklər ərzində onların Cənubi Qafqazda heç nə etmək imkanları olmayacaq, amma görünür, bunun əleyhinə deyillər", – deyə erməni politoloq qeyd edib.