Ermənistan bu addımlarla regionda statusunu dəyişə biləcək?

Ermənistanın sülhün əldə olunmasına törətdiyi əngəllərin özündən başqa heç kimə ziyanı yoxdur.

Lakin tarix boyu boyunduruq altında olan İrəvan hökuməti bundan nəticə çıxarmaqdansa, ənənəvi mövqeyindən əl çəkmir.

Ermənistan guya müstəqil siyasət yürütdüyünü göstərmək üçün Rusiyadan imtina edib Qərbə üz tutur, əslində isə sadəcə qabığını dəyişdirir. Yəni təxribatlarını artıq fərqli məcrada, Fransa vasitəsilə davam etdirir.

Ermənistan müstəqil ölkə deyil və mövcudluğu da başqa ölkələrdən asılıdır. Üstəlik, onun yeni havadarının Fransa olduğunu nəzərə alsaq, İrəvanın müstəmləkə olduğuna şübhə yeri də qalmır. Görünür, Emmanuel Makronun hakimiyyətə gəlməsi ilə koloniyalarını itirən rəsmi Paris itirdiklərini Cənubi Qafqaz vasitəsilə balanslaşdırmaq istəyir. Bunu da vassallığa ən optimal ölkə olan Ermənistanla həyata keçirir.

Görünən odur ki, Ermənistanın müxtəlif dövlətlərə sığınaraq yürütdüyü siyasət hətta xalqın da inamsızlığa düçar olması ilə nəticələnib. Siyasi arenada baş verən bu proseslər isə ölkənin gələcəyi üçün müsbət heç nə vəd etmir.