Əziz Ələkbərli: Ermənistandakı müqəddəs yerlərimizlə bağlı Papaya müraciət etmişik
“Bu gün Ermənistanda bir nəfər də olsun azərbaycanlı qalmayıb”.
Bunu Qərbi Azərbaycan İcmasının sədri Əziz Ələkbərli Bakıda keçirilən “Ermənistandan didərgin salınmış Azərbaycanlıların təhlükəsiz şəkildə və ləyaqətlə geri qayıdışını təmin etmək: Qlobal kontekst və ədalətli həll” mövzusunda beynəlxalq konfransda çıxışı zamanı deyib.
Əziz Ələkbərli qeyd edib ki, Ermənistan qəbiristanlıqlarımızı, mədəni və dini abidələrimizi sistemli şəkildə dağıdıb:
“Etnik təmizləmə qeyri-maddi mədəni irsimizə də ciddi mənfi təsir göstərib. Bizim adət-ənənələrimiz, həyat tərzimiz və sosial bağlarımız xeyli zərər görüb. Ermənistan hökuməti Azərbaycan mədəni irsinin vəziyyətini qiymətləndirmək məqsədilə UNESCO-nun missiyasının Ermənistana göndərilməsinə imkan vermir”.
![icon](/images/loading.png)