İrəvandakı sammitdən buna görə boyun qaçırdım | Baş nazirdən mühüm açıqlama

“Ermənistanla Kollektiv Təhlükəsizlik Müqaviləsi Təşkilatı arasında münasibətlər geri dönüşü olmayan həddə çatıb”.

Bu sözləri Ermənistanın Baş naziri Nikol Paşinyan bildirib.

“KTMT-nin Ermənistandakı məsuliyyət zonasını mənə göstərin deyəndə onlar bizə heç nə göstərmədilər və mən də öz münasibətimi açıq şəkildə bildirdim.

Qeyd etdim ki, əgər Ermənistanın məsuliyyət zonasında KTMT yoxdursa, o xətt göstərilə bilməz. Bizim üçün bu təşkilat mövcud deyil və KTMT sammitinin yekun sənədini imzalamaq üçün 2022-ci ilin payızında keçirilən İrəvan sammitində iştirakdan boyun qaçırmağımın səbəbi də elə bu idi. Qarabağla bağlı vəziyyətin isə bu situasiya ilə heç bir əlaqəsi yoxdur.

Biz KTMT-də iştirakımızın dondurulması kontekstində Qarabağ mövzusuna toxunmamışıq. Amma bir daha deyirəm, indiki vəziyyətin dillə ifadəsi çox çətindir. Bütün bunlar da Ermənistanın KTMT-yə qayıtmasının mümkünlüyünü imkansız edir”, – deyə N.Paşinyan diqqətə çatdırıb.

Qeyd edək ki, daha əvvəl Rusiya tərəfi Ermənistanın Kollektiv Təhlükəsizlik Müqaviləsi Təşkilatına qayıdışına müsbət yanaşdığını açıqlamışdı.