Siyasət
Pleyeri seçin:
Məqsədimiz Qarabağda inkişafa dəstək verməkdir | Emin Əmrullayev görüləcək işləri açıqladı
“Qarabağda təhsil və innovasiyalarla dayanıqlı inkişaf təmin ediləcək”.
Bunu COP29 çərçivəsində iqlimədayanıqlı gələcək üçün insan inkişafına investisiya üzrə yüksəksəviyyəli görüşdə çıxışı zamanı Azərbaycanın elm və təhsil naziri Emin Əmrullayev deyib.
O bildirib ki, bu ərazilərdə təhsil və innovasiyalar üçün əlverişli şərait yaradılır:
“Məqsədimiz dayanıqlı icmalar formalaşdırmaq və bölgədə təhsil vasitəsilə inkişafa töhfə verməkdir”.
E.Əmrullayev beynəlxalq əməkdaşlığın əhəmiyyəti barədə bu fikirləri deyib:
“UNESCO və OECD kimi təşkilatlarla birgə Azərbaycanın təhsil sistemində iqlim göstəricilərinin beynəlxalq qiymətləndirmələrə inteqrasiyası və daha yaşıl təhsil yanaşmalarına keçid istiqamətində işlər davam etdirilir. Bu tədbirlər çərçivəsində kurikulumun yenilənməsi, müəllim hazırlığının təkmilləşdirilməsi və davamlılıq prinsiplərini təşviq edən məktəblərin yaradılması əsas məqsədlərdəndir”.
Kopyalandı
Seçilmişlər
