Paşinyan özünü biabır etdi | 30 ildir çuval kimi...

“Bizə deyirlər ki, hökumətimiz “Dağlıq Qarabağ”ı tək qoyub. 2020-ci ildən 2023-cü ilə qədər Ermənistan hökuməti “Dağlıq Qarabağ”a 538 milyard dram və ya 1,3 milyard dollar verib. Biz onları tək buraxmışıq?”.

Bunu Ermənistanın Baş naziri Nikol Paşinyan aprelin 11-də parlamentdə çıxışı zamanı deyib.

Onun etirafları bununla da bitməyib. N.Paşinyan ATƏT-in keçmiş Minsk qrupu ilə bağlı da düşüncələrini dilə gətirib.

“30 ildir ki, çuval kimi o yana, bu yana atılmışıq. Onlar Ermənistana bir cür deyib, başqa cür ediblər”, – deyə N.Paşinyan bildirib.

Erməni Baş nazir son vaxtlar gərginləşən Rusiya və KTMT ilə münasibətlərə də toxunub.

“Bizə xatırladırlar ki, seçki proqramımızda Rusiya ilə strateji tərəfdaşlıq və KTMT ilə münasibətlərin dərinləşdirilməsi yer alırdı. Bəli, düz deyirsiniz, belə idi. Bəs onlar köməyə gəlməkdən imtina edirlərsə, necə? Müqavilə işləmirsə, nə etməli?”, – deyə Nikol Paşinyan bildirib.

O, növbəti dəfə Rusiyadan gileylənib.

“İrəvanın əmri ilə işə salınmalı olan Ermənistan və Rusiyanın birgə hava hücumundan müdafiə sistemi lazımi vaxtda işə düşmədi. Belə epizodlar çoxdur”, – deyə Baş nazir əlavə edib.