Paşinyan Rusiyanı "günah keçisi" elan edəcək: rusiyalı ekspert açıqladı

İrəvanda Müdafiə Nazirliyinin binasının altında Baş nazir Nikol Paşinyan üçün bunker hazırlanır.

Bu barədə rusiyalı hərbi ekspert İqor Korotçenko “Telegram” kanalında məlumat paylaşıb.

Ekspertin sözlərinə görə, əldə olunan məlumatlara əsasən, bu bunker onun üçün nəzərdə tutulub ki, əgər Ermənistanda hadisələr hakimiyyətin nəzarətindən çıxarsa və 2020-ci ilin noyabrında olduğu kimi şəhərdə iğtişaşlar baş verərsə, N.Paşinyan orada gizlənə bilsin.

İqor Korotçenko əlavə edib ki, Azərbaycanla Ermənistan arasında yaşanan gərginliyin səbəbkarı separatçılardır. Qarabağdakı qondarma rejim Xankəndiyə ərzaq yüklərinin axın etdiyi bir gündə yerlərində sakit otura bilərdilər, amma onlar Azərbaycan torpaqlarında tank əleyhinə minalar basdırmaqla məşğul oldular. Nəticədə iki avtomobil minaya düşərək partlayıb, Azərbaycan vətəndaşları həlak olub.

“N.Paşinyan hazırkı vəziyyətdə hakimiyyətdə qalmaq üçün hər şeydə Rusiyanı günahlandıracaq”, – deyə ekspert əlavə edib.