Prezident: Separatçılar ya sözümüzlə oturub-duracaqlar, ya da ki, oradan rədd olacaqlar

“Biz onlara müxtəlif yollarla dəfələrlə izah etməyə çalışmışıq ki, onlar ya bizim sözümüzlə oturub-duracaqlar, ya da ki, oradan rədd olacaqlar və orada yaşayan, onların faktiki olaraq girovuna, əsirinə çevrilmiş erməniləri də rahat buraxacaqlar”.

Bu sözləri Prezident İlham Əliyev aprelin 18-də Salyan şəhərində Azərbaycan Televiziyasına müsahibəsində qondarma rejimin keçmiş “rəhbər”ləri haqqında danışarkən deyib.

Qeyd edək ki, Prezident İlham Əliyevin 6 ay öncə xəbərdarlıq etdiyi Qarabağdakı qondarma rejimin keçmiş “prezident”ləri Arkadi Qukasyan və Bako Saakyan, eləcə də “Daşnaksütyun” partiyasının “Qarabağ təmsilçisi” və separatçı rejimin keçmiş “parlament sədri” David İşxanyan törətdikləri cinayət əməllərinə görə barələrində aparılan cinayət işləri üzrə Dövlət Təhlükəsizliyi Xidməti tərəfindən saxlanılaraq Bakıya gətirilib.