Prezident yeni ədliyyə naziri təyin etdi

Fərid Turab oğlu Əhmədov Azərbaycan Respublikasının ədliyyə naziri təyin edilib.

Bununla bağlı Prezident İlham Əliyev Sərəncam imzalayıb.

Qeyd edək ki, Fərid Əhmədov 1979-cu ildə Bakıda anadan olub. O, Bakı Dövlət Universitetində hüquqşünaslıq ixtisası üzrə bakalavr, Beynəlxalq hüquq üzrə isə magistr təhsili alıb.

Daha sonra İngiltərənin Esseks Universitetində beynəlxalq insan hüquqları ixtisası üzrə magistr dərəcəsinə yiyələnib. 2009-cu ildə doktorantura pilləsi üzrə təhsil üçün İngiltərənin Oksford Universitetinə daxil olub. Beləliklə, Oksford Universitetinin hüquq üzrə fəlsəfə doktoru elmi dərəcəsini alıb.

Əmək fəaliyyətinə Milli Məclis Aparatının İnzibati və Hərbi qanunvericilik şöbəsində məsləhətçi kimi başlayan Fərid Əhmədov 2015-2017-ci illərdə Azərbaycan Universitetinin rektoru, bir müddət sonra isə “Bakı Beynəlxalq Dəniz Ticarət Limanı”nda baş direktorun müavini vəzifəsində çalışıb.

2021-ci ildən nəqliyyat, rabitə və yüksək texnologiyalar nazirinin müşaviri təyin edilib. Ardınca rəqəmsal inkişaf və nəqliyyat nazirinin müavini təyin edilib.