"Getməyəcəyik" deyən erməni keşiş Qarabağı belə tərk etdi

Qarabağda yaşayan erməniəsilli şəxslərin kütləvi şəkildə Ermənistana keçidi davam edir.

Sentyabrın 16-da “Laçın” sərhəd-buraxılış məntəqəsindən keçməklə Gorus istiqamətində gedənlər arasında Əsgərandakı erməni kilsəsinin ruhanisi Mesrop Mkrtçyan da görünüb. O, ailəsi ilə birgə Qarabağı tərk etmək üçün növbəyə dayanıb. Maraqlısı isə odur ki, keşiş M.Mkrtçyan əvvəllər separatçılarla birgə “biz Qarabağı heç vaxt tərk etməyəcəyik” deyərək sinəsinə döyürdü. Ancaq indi o, Azərbaycan torpaqlarını birinci tərk edənlərin arasında yer alıb və vətəndaşı olduğu Ermənistana qayıdır.

Qeyd edək ki, bu mənzərəni görən erməni ictimaiyyəti keşişin kilsəni qoyub aradan çıxmasını kəskin şəkildə tənqid edib.