"Nazir müavinlərinin üçtərəfli görüşünə ev sahibliyi etməyimizlə..." | Gürcüstan XİN rəhbəri

“Gürcüstan regionda sabitliyin və təhlükəsizliyin qorunmasında maraqlıdır və bu istiqamətdə ardıcıl səylər göstərir”.

Bu sözləri Gürcüstanın xarici işlər naziri Maka Boçorişvili deyib.

“Bizim münasibətlərimiz siyasi dialoqun da inkişafına təkan verir. İkitərəfli görüşdə müxtəlif məsələləri müzakirə etdik və bu cür təşəbbüslər Azərbaycan, Gürcüstan və digər tərəfdaş ölkələr arasında əməkdaşlığın dərinləşdirilməsinə mühüm töhfə verir.

Mövcud geosiyasi şəraitdə Gürcüstanda və Azərbaycandakı siyasi sabitlik ortaq maraqlarımızın qorunmasına xidmət edir. Biz ölkələrimizin milli maraqlarını nəzərə alaraq əlaqələrimizin daha da möhkəmlənməsi istiqamətində çalışırıq.

Ölkələrimiz arasında qarşılıqlı etimada əsaslanan əlaqələr ikitərəfli miqyasdan çıxaraq qlobal xarakter alıb. Biz regiondakı mövcud vəziyyəti, eyni zamanda qlobal prosesləri müzakirə etdik.

Həmçinin təhlükəsizlik məsələləri də müzakirə olundu. Gürcüstan Azərbaycan və Ermənistan arasında dialoqu diqqətlə izləyir və ümid edirik ki, yaxın zamanda sülh sazişi imzalanacaq. Gürcüstan Cənubi Qafqaz regionunda sülh və sabitliyin möhkəmləndirilməsində maraqlıdır”, ‒ deyə o əlavə edib.