Regionda müharibə təhlükəsi | Fransaya alçaldıcı müqavilə imzalatdılar

Fransa aqressiv siyasətini Cənubi Qafqaza qədər sürdürür.

Bunu Milli Məclisin iyunun 25-də keçirilən iclasında deputat Tural Gəncəliyev deyib.

Deputat bildirib ki, Fransanın Ermənistanı ölümcül silahlarla silahlandırması ciddi təhlükə yaradır:

“Cənubi Qafqazda biz sülh yaratmışıq. Bizim üçün Cənubi Qafqazın döyüş meydanına çevrilməməsi əsasdır. Təəssüflər olsun ki, bu gün özünü Napoleon hesab edən Emmanuel Makron yeni “Makron müharibələri” aparmaq istəyir və bunu Cənubi Qafqazda da etmək istəyir.

E.Makronun, Fransanın bu hərəkəti təkcə Azərbaycana qarşı deyil, beynəlxalq sülhə qarşı atılmış addımdır. Fransa işğal altında saxladığı ölkələrdə insan hüquqları pozuntularına yol verilməsinin qarşısını almalıdır”.