Rusiyadan Xankəndiyə göndərilən yardım haqqında rəsmi açıqlama

Rusiya Qızıl Xaç Cəmiyyətinin sədri Pavel Savçuk Qarabağda yaşayan ermənilərə göndərilən 15 ton yükə nələrin daxil olduğunu açıqlayıb.

“Hazırda yardım əhali arasında paylanılır. Bu yükə taxıl, un, konservləşdirilmiş ət və uzun saxlama müddəti olan digər məhsullardan ibarət 1000 ərzaq bağlaması daxildir. Ayrıca uşaqlar üçün həm gigiyenik vasitələr, həm də yeməklərdən ibarət 192 bağlama hazırladıq. Eləcə də 270 yataq dəsti və 200 gigiyena dəsti gətirmişik”, – deyə P.Savçuk əlavə edib.

Onun sözlərinə görə, humanitar yardım ehtiyacı olanlara paylanıldıqdan sonra Rusiya Qırmızı Xaç komandası Rusiyaya qayıdacaq.

Xatırladaq ki, separatçılar gələn yükün ancaq yorğan-döşəkdən ibarət olduğunu iddia edərək sosial şəbəkələrdə Rusiyanı tənqid atəşinə tutublar.