Siyasi və maliyyə məhdudiyyətləri kimi çətinliklər ola bilər, amma… | Vacib açıqlama

“COP29 Sədrliyi iqlim dəyişikliyi ilə bağlı ambisiyaları artırmaq və fəaliyyətə imkan vermək planına diqqət yetirir”.

Bunu COP29-un Prezidenti, Azərbaycanın ekologiya və təbii sərvətlər naziri Muxtar Babayev COP29 Yaşıl Zonasında keçirilən Parlament Görüşündə çıxışı zamanı deyib.

O bildirib ki, parlamentlər daha güclü iqlim planları üçün təkan verə bilər:

“Parlamentlər milli büdcələri təyin edir və onlara nəzarət edir, hökumətlərin iqtisadi qərarlarında mühüm rol oynayır. Bunlar keçid dövrünün maliyyələşdirilməsində və iqlimə davamlı dünyanın qurulmasında mühüm rol oynayacaq.

Başa düşürük ki, siyasi və maliyyə məhdudiyyətləri kimi çətinliklər ola bilər. Heç bir şey bütün xalqların təhlükəsizliyinə, rifahına iqlim dəyişikliyindən daha böyük təsir göstərə bilməz. Parlament transformativ dəyişiklik üçün siyasi iradənin formalaşmasına kömək edə bilər. Bu siyasi iradəni həm COP29-da, həm qayıdanda qorumaq lazımdır”.