Türk Dövlətləri Təşkilatının sədri Bakıdadır

Azərbaycan xarici işlər naziri Ceyhun Bayramov növbədənkənar prezident seçkilərinin müşahidəsi ilə bağlı ölkəmizdə səfərdə olan Türk Dövlətləri Təşkilatının Baş katibi Kubanıçbek Ömüralıyevi qəbul edib.

Görüşdə Azərbaycan və Türk dünyası təşkilatı arasında mövcud əməkdaşlıq gündəliyində duran məsələlər, ölkəmizdə keçiriləcək Prezident seçkilərinə hazırlıq işləri müzakirə olunub.

Nazir Ceyhun Bayramov müstəqillik tariximizdə ilk dəfə olaraq ərazi bütövlüyümüz və suverenliyimizin tam bərpa olunduğu dövrə təsadüf edən növbədənkənar Prezident seçkilərinin ölkəmiz üçün simvolik əhəmiyyət daşıdığını qeyd edib.

Baş katib Kubanıçbek Ömüralıyev ölkəmizə növbəti səfərinin məhz tarixi növbədəkənar prezident seçkiləri dövrünə təsadüf etməsindən məmnunluq duyduğunu, keçiriləcək seçkilərin nəticələrinin Azərbaycanın inkişaf və rifahına xidmət edəcəyinə əmin olduğunu bildirib.