Türk konsulu qətlə yetirən şəxs delimitasiyaya etiraz edənlərə qoşuldu

Türkiyənin Kaliforniyadakı konsulunu öldürən, 40 il ABŞ həbsxanasında yatan ASALA terror təşkilatının üzvü Ambik Sasunyan da delimitasiyaya etiraz edən ermənilərə qoşulub.

Bu barədə erməni “Telegram” kanallarında görüntülər paylaşılıb.

Qeyd edək ki, Erməni Apostol Kilsəsinin Tavuş Yeparxiyasının primatı Baqrat Qalstanyanın rəhbərlik etdiyi hərəkat İrəvana yürüşünü davam etdirir. Təxribatçı keşişin aksiyası Göyçə yarımadası deyilən ərazidən başlayıb.

Yerli mətbuatın məlumatına əsasən, “Şirak Vətən uğrunda” vətəndaş hərəkatının üzvləri Tavuş rayonundan başlayan yürüşə qoşulmaq üçün mayın 8-də saat 10:00-da Abovyan şəhərinə gedəcəklər.