Xankəndidə əlisilahlı uşaqlar: erməni uşaqlarının silahlı təlimi

Azərbaycanın sülh istiqamətində atdığı bütün səylərə baxmayaraq, ermənilər öz xislətlərini gizlədə bilmirlər.

Uzun illər torpaqlarımızı işğal altında saxlayan bədnam qonşumuz hətta Bakının sülh çağırışlarına da məhəl qoymayaraq, düşmənçilik mövqeyini hələ də sərgiləyir.

Daim ölkə sərhədlərində, eləcə də Rusiya Sülhməramlı kontingentinin müvəqqəti yerləşdiyi Azərbaycan torpaqlarında təxribatlar törətməklə gündəmdə olan ermənilər bu azmış kimi, özlərinin qeyri-insani hərəkətlərini davam etdirmək üçün azyaşlılardan da istifadə edirlər.

Sosial şəbəkələrin erməni seqmentində əlində hərbi məqsədlərlə istifadə olunan silahla çəkilmiş azyaşlının görüntüləri yayılıb. Qeyd olunur ki, görüntülər Xankəndidə qeydə alınıb. Bu fakt həm də onların nə qədər mənfur xislətə malik olduqlarını bir daha nümayiş etdirir.

Qeyd edək ki, bənzər hadisənin bundan əvvəl də tirajlandığının dəfələrlə şahidi olmuşuq.