Xocalı və Tərtərə komendantlar təyin edildi

“Xankəndi şəhərində polis şöbəsi yaradılıb. Xocalı, Tərtər və Xankəndiyə müvəqqəti komendantlar təyin edilib”.

Bunu daxili işlər naziri Vilayət Eyvazov nazirlikdə onlayn formatda keçirilən Kollegiya iclasında bildirib. Artıq Xocalı və Tərtərin komendantlarının adları da məlum olub.

İmzalanan müvafiq əmrlərə əsasən, polkovnik Zaur Nəbiyev Xocalı, polkovnik Elçin Qasımov isə Tərtər rayonuna komendant təyin edilib. Onlar müvafiq olaraq rayon polis rəisləridir.

Qeyd edək ki, Qarabağ bölgəsində aparılan lokal xarakterli antiterror tədbirlərindən sonra Azərbaycanın nəzarətinə keçən şəhər, rayon, qəsəbələr üzrə komendantlar təyin edilib. Xankəndi şəhərinin komendantı isə polis general-mayoru Sərdar Səfərovdur.