Zaxarovadan Paşinyanın “Həftəsonu savaş başlaya bilər” açıqlamasına reaksiya

“Qərbin siyasəti ona gətirib çıxarıb ki, Ermənistanın Baş naziri Nikol Paşinyan sərhəd bölgəsində Azərbaycanla qaçılmaz müharibə təhlükəsi elan edir”.

Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova “Telegram” kanalında yazıb.

“Avropa İttifaqı, NATO və Vaşinqtondan olan yeni kuratorlar bu məsələni nə qədər uzağa aparıblar? Diqqət edin: bəyanatın heç bir şəkildə Rusiya ilə əlaqəsi yoxdur. Bu, İrəvandakı mövcud hakimiyyətin müstəsna səlahiyyətidir və onların qərblilərlə məsləhətləşmələrinin nəticəsidir”, – deyə Mariya Zaxarova paylaşımında qeyd edib.

Məlumat üçün bildirək ki, Nikol Paşinyan martın 18-i sərhədyanı kəndlərin sakinləri ilə söhbət zamanı bildirib ki, İrəvan Bakının bir sıra sərhəd kəndlərinin Azərbaycana verilməsi ilə bağlı tələblərini yerinə yetirməsə, müharibə olacaq.