İşğaldan azad edilən ərazilərdə internet bərpa olunub

“Aztelekom” MMC işğaldan azad edilmiş ərazilərdə rabitə və rəqəmsal imkanları artırmaq üçün əsas internet infrastrukturunu istismara verir.

Bu barədə “Bakı Telefon Rabitəsi” MMC-nin sözçüsü Alidə Mustafayeva məlumat verib.

O bildirib ki, “Aztelekom” MMC Xankəndi və Xocalı ərazilərində internet magistral xəttinin və genişzolaqlı internet şəbəkəsinin təmin edildiyini qürur hissi ilə bildirir:

“Aztelekom” MMC işğaldan azad edilmiş torpaqlarda rabitə və rəqəmsal imkanların artırılması üçün tikintinin növbəti mərhələsinə keçməyə tam hazır olduğunu bəyan edir”.